Admin
Admin
المساهمات : 169
تاريخ التسجيل : 25/06/2010
 | موضوع: الموضوع: علي الفريداوي - اعشق من ضمير  الجمعة يونيو 25, 2010 5:06 pm | |
|
HIzZ
ان شاء الله
تعجبكم
شلونكم ..
هــاي كلمــات لاغنية للشاعر علي الفريداوي
اسمهة اعشق من ضميــر ..
طبعا كلمـاتهة تموت
وكولش بيهة معنى
واخليكم وياها
اني اذا حبيت احبك من ضمير
روحي شمعه ليل تذبل من تحب
واذا اكهرك الله يستر من وراي
وضلت بكيفك تكمل تنسحب
تريد تعشكَـ راح تلكَاني ملاك
وحضن دافي وورد وألوان وعشب
وانت اذا رايد لعب لعب
اهلا تعال هاي سهلة وحتى ما بيهه تعب
العبك والعب على اللعبو عليك
العلمك تلعب اعلمه ع اللعب
تريدني اسهل سهل وياي صير
تريد تصعب راح تلكَاني صعب
تريد من عندي عشكَـ انطي حنان
تريد من عندي ذهب تنطي ذهب
تريد من عندي وصل انطي وفاك
تريد تنطيني جذب تاخذ جذب
ولان واحد كلبي واحد يبقة بي
اني ماعندي حبيبين بقلب
اني مثل النار تنطيها تزيد
منها تاخذ راح من يمك تشب
عيني اذا مابيك تمليها حنان
راح من تروح لاجلك ما تصب
وباب قلبي اذا متحني بديك
لو شلعت الباب ما تكَدر تطب
تريد تكسرني صعب لين اصير
تريد تعصرني تلاكيني صلب
بكيفك اني شلون ما رايدني اصير
جاهز اني ومنتظر عند الطلب
الخشب نفسة تريد تصنع بي خراب
تريد كرسي ملك تصنع بالخشب
اني طبعي ويه العشكَـ نخلة ويه كَاع
اذا ماكو الماي ما تنطي رطب
وابد لا تستغرب الحب لو عذاب
هية رحمة ولابسه هدوم الغظب
الحب جرح لمن نداويه نحتويه
والجرح لمن نهجرة يلتهب
بلعشك كلشي اكو ... كلشي يصير
اكو بالغصبا واكو لا .. مو غصب
لا تستغرب لجل التحبة تموت
بالعشك ماكو عجب بس العجب
ناس ماتت حتى التحبه يعيش
وناس عاشت لاجل التحبه يحب
بيوت عمرت بالعشك صارت قصور
وبالعشك نفسه .. نفسه .. الف بيت انخرب
ثنين يعني الحب اذا ثالث يفوت
حرف ثالث فات يتحول حرب
المثل ميضربونه اذا عاشك اسير
المثل مرات بالحب ينضرب
مو شكو حب يستمر يعني صحيح
ومو شكو حب ينتهي يعني نصب
اكو حب ينتهي بس ذكراه يعيش
واكو حب يستمر بس اسمه انشطب
سبب حبك اذا تلكاه لا تكول
احلى حب من تحب تلكاه صدف
| |
|
